Rematan as clases da sétima edición de Camiños de Coñecemento e Experiencia na Pobra coa visita a Mupega

18 Abril 2024

As aulas da sétima edición que se desenvolve na Pobra do Caramiñal do programa de democratización do coñecemento Camiños de Coñecemento e Experiencia chegaron á súa fin coa visita ao Museo Pedagóxico de Galicia (Mupega).
Esta saída constituía a parte práctica do coloquio Escolas, alumnos e mestres nas vilas e aldeas de Galicia (1750-1950) impartido por José Manuel Vázquez Lijó.
Unha anécdota que marcou esa xornada foi que unha das fotografías expostas no Mupega se corresponde con alumnado da antiga escola unitaria da Ribeiriña na época da Transición e a profesora, curiosamente, é unha das 49 veciñas e veciños maiores de 50 anos que participan neste proxecto formativo e de extensión cultural da Universidade de Santiago de Compostela (USC), que conta coa colaboración da Concellaría da Cultura.
As outras dúas clases teórico-prácticas que integraron esta convocatoria foron A relevancia, a diversidade e a riqueza do patrimonio cultural inmaterial galego: unha aproximación á historia da música galega e aos instrumentos de percusión, con María González Blanco, e Plantas medicinais: aplicacións e usos, da man de María Pilar Riveiro López.
A clausura oficial será co tradicional acto académico en Santiago de Compostela.

Outros artigos

Domingo regresa o sol e empeza a subir a temperatura

Na xornada do domingo seguiremos con aire frío en altura xerando inestabilidade atmosférica. Unha situación que favorecerá a formación de chuvascos, localmente treboentos, máis probables e frecuentes no interior e nas horas centrais do día. As temperaturas mínimas...

+

Ribeira pon en valor o traballo das mulleres no mar

O Concello de Ribeira conmemorou o Día Internacional da Muller no Sector Marítimo rendendo unha homenaxe a tres mulleres extraordinarias que dedicaron as súas vidas a unha profesión fundamental para a nosa comunidade: o marisqueo. O concelleiro de Mar, Fernando...

+

Publicidade

Revista en papel

Opinión

“Día das Letras Galegas 2025”. Manuel Dominguez

“Día das Letras Galegas 2025”. Manuel Dominguez

Andrés do Barro, cantante, compositor de soul galego, grandes éxitos dende 1975 onde as linguas do Estado foron confinadas, censuradas, ata acadar o primeiro posto nas listas dos discos máis vendidos en España tres veces seguidas: primeiro en 1969 con O trem , logo en...