A Asociación Folclórica Chorimas de Queiruga e o Concello de Porto do Son organizan os días vindeiros (en colaboración coa Rede Cultural da Deputación da Coruña) a segunda edición da súa Festa dos Maios, unha celebración de música, baile, traxes e cultura tradicional galega para celebrar a primavera. O cartel inclúe un concerto de Pan.sen.Fron ás 22.30 horas. A cita será na Casa da Cultura de Queiruga, os días 3 e 4 de maio.
A axenda arrinca o venres 3 de maio cunha actividade para os máis pequenos na “que imos ver como se fan e se adobían os maios”, en palabras de Chorimas.
O sábado 4 de maio retómanse Lembranzas: “Desta vez ademais de recordar as celebracións dos maios no noso concello, falarase tamén das regueifas que se bailaban e cantaban nas vodas, celebracións tan abundantes nesta época do ano”.
O broche final da festa poñerao a foliada dos maios, na que poderemos desfrutar das actuacións de varias agrupacións da comarca do Barbanza ademais da actuación especial dos Pan.sen.Fron,