O Diario Oficial de Galicia (DOG) publicou este 23 de abril a resolución da liña de axudas destinada a concellos galegos de menos de 10.000 habitantes coas que a Xunta de Galicia busca o impulso e consolidación turística do rural galego ao tempo que promove a diversificación turística polo territorio. En total foron beneficiarios 67 concellos cun investimento global de 2M€.
Como se indica na resolución, entre os beneficiarios inclúense iniciativas para a posta en valor da súa riqueza histórica, acondicionamento de sendeiros, sinalización turística, construción de miradoiros, acondicionamento de recursos culturais, patrimoniais e paisaxísticos. Ademais, tamén hai actuacións de posta en valor turístico dos recursos e proxectos centrados na rehabilitación ou restauración para a súa dedicación a usos turísticos así como proxectos con melloras de accesibilidade como eliminación de barreiras arquitectónicas, entre outras.
Xunto a estas axudas, o Diario Oficial de Galicia tamén publica a resolución da segunda convocatoria destinada a concellos galegos para levar a cabo accións de embelecemento do litoral e potenciar así o seu uso turístico, cun investimento global de 2,7M€. Neste caso foron beneficiarios un total de 64 proxectos en 41 concellos do litoral galego que comprenden iniciativas como melloras paisaxísticas en paseos marítimos, creación de contidos e recursos turísticos dixitais, recuperación de sendeiros entre puntos turísticos ou sinalización, entre outras.
Inclúense neste capítulos os seguintes proxectos da nosa comarca:
A Pobra do Caramiñal
Proxecto de acondicionamento de aparcadoiro na alta e recuperación paisaxística no entorno
80.000,00 €
Boiro
Recuperación de sendeiros entre puntos de interese turístico: senda rio Breiro-praia de Mañóns
80.000,00 €
Boiro
Compra e instalación de pantalla táctil dixital no paseo marítimo de barraña
15.000,00 €
Boiro
Mellora e adaptación do Centro Arqueolóxico do Barbanza
50.000,00 €
Carnota
Aplicación turística & control park
15.000,00 €
Muros
Información dixital en liña na vila de Muros
13.394,70 €
Outes
Actuacións de embelecemento e rexeneración paisaxística no parque de Vista Alegre. Xunqueira dos muíños. O areal.
80.000,00 €
Outes
Dixitalización dos recursos turísticos do litoral
13.176,90 €
Porto do Son
Actuacións de embelecemento e rexeneración paisaxística na zona de amarres no borde marítimo do porto de Boa
79.999,98 €
Rianxo
Posta en valor do patrimonio natural do esteiro do Ulla a través do acceso ás tres cruces de Isorna
38.877,30 €
Rianxo
Mellora da accesibilidade dos areais de Rianxo
44.968,08 €
Ribeira
Ribeira, Destino Litoral Sostíbel: rehabilitación Centro de Interpretación Arqueolóxica de San Roque
72.000,00 €
Ribeira
Ribeira, Destino Litoral Sostíbel: actualización dos contidos didácticos do Centro de Interpretación Arqueolóxica de San Roque
13.500,00 €
Ribeira
Ribeira, Destino Litoral Sostíbel: mellora da accesibilidade no Centro de Interpretación Arqueolóxica de San Roque
26.721,00 €
14 axudas
622.637,96 €