Porto do Son vai ser este mes de abril a capital galega das narracións orais. En concreto, o Concello (a través da Área de Cultura) organiza na Casa da Cultura a primeira edición do Ciclo de Monólogos de Porto do Son: catro sesións (todas elas ás 20.00 horas) con catro xigantes das historias, dos contos e da retranca: Bea Campos, Federico Pérez Rey, Quico Cadaval e Avelino González.
A cita con Bea Campos (Urdime, Inventi Teatro) será o día 6 de abril, baixo o título Marcho que teño que marchar.
A sesión con Federico Pérez será o 13 de abril, na Casa da Cultura ás 20h, baixo o epígrafe Xa que o sabes, voucho contar.
A cita con Quico Cadaval será o 20 de abril. O contador e dramaturgo ribeirense acode a Porto do Son con Vacas, guerras, porcos e cregos.
Por último, a cita con Avelino González será o 27 de abril, co espectáculo Chistes que foron contos.
As entradas para estes catro espectáculos xa están á venda dende o 1 de abril, a un prezo de 5 euros (na Casa da Cultura de Porto do Son).
