“Plácido Vila”. Xulio Xiz

23 Abril 2024

Vivo na Milagrosa, onde hai tempo entrar no recinto murado era “ir a Lugo”, e agora – integrados mesmo nominalmente – o que antes parecía distante, a paso setentón faise en vinte minutos, e trinta se temos a ousadía de levar o coche.

O centro de saúde da rúa Río Ser figura como da Milagrosa, pero os que levamos media vida por acó chamásmoslle Plácido Vila, lembrando o afable xinecólogo que, xunto coa súa muller, Asunción Alonso, tamén doutora, aventurouse a promover un centro médico en tempos nos que os temas sanitarios aínda non eran de atención xeral, e alí viñeron dar a luz as mulleres da zona e doutras moitas procedencias, pola confianza, a atención e o trato.

Os meus fillos naceron en Plácido Vila, atendidos polo matrimonio rector da instalación, e nunca a esta se lle chamou sanatorio, centro médico, clínica ou maternidade. Era Plácido Vila. Máís aínda: á rúa citámola como “a de Plácido Vila”.

Plácido morreu novo, cando xa a Seguridade Social adquirira o centro que aquel matrimonio emprendedor abrira. Lémbroo, pelo moi branco, boa planta, saludador, sorrinte… Asunción, tamén saudadora sorrinte, viaxeira, leda, camiña as rúas lucenses coa seguridade de que todos a coñecemos e lembramos o seu papel en axudar a que os nosos fillos viñesen con ben ao mundo.

Está en marcha a iniciativa de denominar a este Centro de Saúde co nome do seu creador. Paréceme xusto, por unha parte para acomodar a denominación oficial á real que fomos elaborando milleiros de usuarios daquel emblematico centro, pero tamén para facer xustiza a Plácido e Asunción que abriron camiños de saúde que transitamos con ledicia, e fan que os lembremos con admiración e afecto.

Outros artigos

“Día das Letras Galegas 2025”. Manuel Dominguez

Andrés do Barro, cantante, compositor de soul galego, grandes éxitos dende 1975 onde as linguas do Estado foron confinadas, censuradas, ata acadar o primeiro posto nas listas dos discos máis vendidos en España tres veces seguidas: primeiro en 1969 con O trem , logo en...

+

“O Barbanza: Cinco anos de xornalismo independente”

Hai cinco anos, en maio do 2019 nacía na súa edición dixital obarbanza.gal e uns días despois na de papel O Barbanza, sempre en galego e baixo a cobertura do Grupo Código Cero Comunicación. Dicíamos daquela que eramos un grupo de profesionais decididos a aventurarnos...

+

Publicidade

Revista en papel

Opinión