Os membros do GES de Noia liberaron a unha persoa que envorcou co seu coche en Outes. Onte interviron nun incendio

01 Abril 2024

Encargáronse de cortar o parabrisas do vehículo para retirar á implicada, que permaneceu consciente en todo momento.

Eran as 11:15 horas cando un particular chamou ao 112 Galicia e alertou dun coche que envorcou no quilómetro 66 da AC-550, á altura da parroquia de Tarás.

ADC Bombeiros Boiro

De inmediato, desde o 112 Galicia informouse a Urxencias Sanitarias de Galicia-061, aos Bombeiros de Boiro, ao GES de Noia, á Garda Civil de Tráfico e á Policía Local e Protección Civil de Outes.

Cando chegaron ao punto, os equipos de emerxencias comprobaron que a persoa permanecía consciente, aínda que era incapaz de abandonar o vehículo. A continuación, o GES de Noia cortou o parabrisas cunha ferramenta especializada e axudaron a retirar á implicada, que foi atendida polos servizos sanitarios.

Tamén onte a dotación de bombeiros do Consorcio Contra Incendios e Salvamento de A Coruña con base en Boiro xunto o Ges de Noia, Protección Civil Outes e Garda Civil actuaron nun incendio nunha vivenda no Concello de Outes.

Outros artigos

Publicidade

Revista en papel

Opinión

“A vivenda” – José Manuel Pena

“A vivenda” – José Manuel Pena

É un ben de mercado para o negocio particular ou un dereito básico, fundamental e humano, como pode ser a educación, a sanidade, a prestación por desemprego ou a xubilación? A vivenda, en Galicia e no resto de España, continúa sendo un negocio e un ben de...