A afectada, que tropezou cando camiñaba cara á praia de Quenxo, foi subida cunha padiola suxeita con cordas
Os efectivos de Boiro colaboraron cos de Ribeira para auxiliar á implicada, que foi atendida polos servizos sanitarios.
Foi un particular quen, pouco despois das 17:30 horas, alertou ao 112 Galicia dos feitos: unha muller acababa de caer por un dos barrancos da praia de Quenxo. Naquel momento, a persoa permanecía consciente, pero eran necesarios medios de rescate para retirala do desnivel no que quedara situada.
No operativo participaron Urxencias Sanitarias de Galicia-061, os Bombeiros de Boiro e Ribeira, a Garda Civil e a Policía Local e os voluntarios de Protección Civil de Rianxo.
