A praia de Barraña, en Boiro, vai acoller este martes 23 de abril unha nova xornada colectiva de limpeza de refugallos, a partir das 16.00 horas.
A actividade, destinada a liberar de plásticos e outros lixos o dito areal boirense, un dos máis visitados da tempada estival por residentes e por visitantes, encádrase no Proxecto Martes Circulares, impulsada por Chelonia e Coca-Cola.
A xornada levarase a cabo coa participación do alumnado do Club de Ciencias do IES A Cachada, usuarios de asociación inclusiva Amicos e traballadores do Hotel Alda de Boiro. A xeira de traballo desenvolverase entre as 16.00 e as 18.00, aproximadamente. Podemos inscribirnos en director.proyectos@chelonia.es.
Contarase coa colaboración do Concello, o IES A Cachada, Amicos, Garfo e Coitelo e Alda Hotels.
