O Concello de Boiro recibe unha subvención para acondicionar o Centro Arqueolóxico do Barbanza

12 Abril 2024

O Concello de Boiro recibiu da Axencia Galega de Turismo unha subvención para a mellora da accesibilidade e acondicionamento do Centro Arqueolóxico de Neixón (Centro Arqueolóxico do Barbanza). O orzamento subvencionábel ascende aos 50.000 euros e ten como finalidade “o embelecemento do litoral turístico de Galicia”.

A actuación que se pretende levar a cabo en Boiro ascende aos 62.039,83 euros e ten como obxectivo concreto “acondicionar o inmóbel do Centro Arqueolóxico do Barbanza para cubrir as súas actuais deficiencias funcionais”. As actuacións contemplan a creación dunha sala interior de proxeccións, para o que se vai facer uso do espazo da antiga cafetería, así como un espazo cuberto exterior.

O Concello lembra que o edificio do Centro Arqueolóxico de Neixón rematouse de construír no ano 2009 e, dende ese momento, “non se realizaron na mesma ningunha reforma reforma relevante polo que o edificio presenta certos problemas en canto a filtracións de auga, humidades…”

O proxecto contempla unha actuación en dúas fases e que abranguen traballos tanto no interior coma no exterior para mellorar a accesibilidade e eliminar as filtracións de auga; así como o acondicionamento integral do espazo da antiga cafetería como unha sala de proxeccións. A segunda fase da actuación contempla a limpeza das fachadas exteriores e a instalación dunha cuberta con soleira no exterior.

As actuacións contan co financiamento da Axencia Galega de Turismo a través das subvencións a concellos para actuacións de embelecemento do litoral galego no marco do Plan de recuperación, transformación e resiliencia, financiado pola Unión Europea- Next GenerationUE.

Outros artigos

Domingo regresa o sol e empeza a subir a temperatura

Na xornada do domingo seguiremos con aire frío en altura xerando inestabilidade atmosférica. Unha situación que favorecerá a formación de chuvascos, localmente treboentos, máis probables e frecuentes no interior e nas horas centrais do día. As temperaturas mínimas...

+

Ribeira pon en valor o traballo das mulleres no mar

O Concello de Ribeira conmemorou o Día Internacional da Muller no Sector Marítimo rendendo unha homenaxe a tres mulleres extraordinarias que dedicaron as súas vidas a unha profesión fundamental para a nosa comunidade: o marisqueo. O concelleiro de Mar, Fernando...

+

Publicidade

Revista en papel

Opinión

“Día das Letras Galegas 2025”. Manuel Dominguez

“Día das Letras Galegas 2025”. Manuel Dominguez

Andrés do Barro, cantante, compositor de soul galego, grandes éxitos dende 1975 onde as linguas do Estado foron confinadas, censuradas, ata acadar o primeiro posto nas listas dos discos máis vendidos en España tres veces seguidas: primeiro en 1969 con O trem , logo en...