O Concello da Pobra convoca un proceso selectivo para formar unha bolsa de emprego de persoal de limpeza

16 Abril 2024

Unha vez aprobadas as bases reguladoras que rexerán o proceso selectivo para a formación dunha bolsa de emprego para o servizo de limpeza de oficinas e instalacións municipais, o Concello da Pobra do Caramiñal procede a convocar as probas selectivas mediante concurso-oposición para a cobertura en réxime laboral temporal.

Os labores atribuídos serán os propios deste posto e as persoas aspirantes deberán reunir unha serie de requisitos.

Para tomar parte na selección, presentarase a solicitude conforme o anexo II das referidas bases a través do rexistro xeral de entrada do Concello da Pobra do Caramiñal, no horario das 09.00 ás 14.00 horas, ou por medio da sede electrónica municipal. O período remata no 26 de abril, inclusive, tras ter sido anunciada a convocatoria no Boletín Oficial da Provincia da Coruña (BOP). O dito trámite tamén se pode formalizar en calquera dos medios determinados na Lei do procedemento administrativo común das administracións públicas. Xunto coa solicitude de participación, débense achega-las fotocopias dos documentos xustificativos.

Toda a información detallada está á disposición no taboleiro de anuncios do Concello e na mencionada sede electrónica.

Outros artigos

CONGALSA recolle o Premio á Empresa do Ano

A empresa CONGALSA, con sede principal na Pobra do Caramiñal e centrada no ámbito da alimentación baseada en produtos pesqueiros, amais de ser un referente en innovación, transformación e responsabilidade social empresarial, vén de recoller o Premio de Empresa do Ano....

+

Publicidade

Revista en papel

Opinión

“Día das Letras Galegas 2025”. Manuel Dominguez

“Día das Letras Galegas 2025”. Manuel Dominguez

Andrés do Barro, cantante, compositor de soul galego, grandes éxitos dende 1975 onde as linguas do Estado foron confinadas, censuradas, ata acadar o primeiro posto nas listas dos discos máis vendidos en España tres veces seguidas: primeiro en 1969 con O trem , logo en...