O Concello de Muros publicará nas próximas datas unha liña de axudas do Goberno central para a rehabilitación de vivendas no casco histórico da vila. A subdelegada do Goberno na Coruña, María Rivas, realizou hoxe unha visita institucional ao Concello de Muros na que tivo ocasión de repasar xunto coa alcaldesa, María Lago, e o grupo de goberno as características desta convocatoria, entre outros temas.
Neste caso, trátase dunha conocatoria de axudas para vivendas, non para establecementos comerciais ou de hostalería, e o concello avisará da publicación das bases nos próximos días.
“Quero agradecer a visita e a cordialidade da subdelegada do Goberno, xa que a colaboración entre administracións é fundamental para mellorar a vida dos nosos veciños e veciñas”, afirmou María Lago.
María Rivas asinou no Libro de Honra do Concello de Muros e visitou xunto ao grupo de goberno o casco histórico.
