Triturar eucalipto á beira do río Ulla para elaborar pasta de celulosa é un remedo do que aconteceu nos anos 60 do século pasado ao bordo da ría de Pontevedra para facer pasta de papel.
A ría pontevedresa esmoreceu para aqueles que vivían dela e a veciñanza da pasteira quedou co cheiro procedente da factorìa como quen asume que é algo contra o que, ao remate, nada tés que facer porque o da papeleira é un proxecto feito realidade que, amáis dos traballadores da propia industria, apoian as forzas vivas -primeiro con Franco e posteriormente en democracia- do país. Non hubo quen paralizara o que o franquismo puxo en pé nas proximidades da ría e, o río Ulla leva xa á ría de Arousa o berro infindo de “Altri, non!”.
Será distinto o resultado final de ambos os proxectos?.
O que Altri percura na provincia de Lugo ten, directa ou indirectamente, o apoio do goberno galego, coñecedor dos plans de que o que inicialmente ía ser unha fábrica de fibras téxtiles sustentables será, finalmente, unha macrocelulosa que os propietarios -de nacionalidade lusa- non queren instalar, supostamente, en Portugal, e coido que non será porque en Galicia sexa máis doado que no país veciño prantar eucaliptos.
Será pola contaminación, que nun lugar se asume e noutro se rexeita?.
Será, como dixo a dirixente nacionalista galega, Ana Pontòn, na sesión de investidura de Alfonso Rueda como presidente da Xunta, que poden intentar “pasar como industrialización o que non é outra cousa ca unha agresión ambiental descomunal”?.
Entre a produción de fibras tèxtiles e a de pasta de celulosa hai unha grande diferenza, co engadido de que as verteduras da macrocelulosa – esta dez veces máis grande ca Ence- irán parar dunha ou doutra maneira á ría de Arousa onde son milleiros os mariñeiros e mariscadoras que viven do mar.
As previsións de Altri xiran en torno a unha produción de 400.000 toneladas de celulosa soluble ao ano.
En 2022, o Parlamento de Galicia aprobou unha lei que instaba á Xunta a dar prioridade ao proceso de deseño da primeira fábrica de fibras téxtiles de España. Todo parece indicar que non vai ser Altri esa fábrjca ou que alguén modificou os obxectivos da industria a instalar en Palas de Rei.
“Non a Altri!”, ata cando e como e con quen?.
