Este mércores 10 de abril a Biblioteca Municipal de Rianxo, a Comisión pola Recuperación da Memoria Histórica do Barbanza, a Deputación da Coruña e o Concello rianxeiro van organizar unha presentación literaria encadrada no ciclo Café con libros, que, como o seu propio nome indica, diríxese a achegar actividades relacionadas coas novidades editoriais dende unha óptica diferente e, sobre todo, cun horario diferente ao habitual: polas tardes á tradicional hora do café.
A cita será a partir das 17.00 horas no Auditorio de Galicia e contarase coa presenza do alcalde rianxeiro Julián Bustelo, a escritora e investigadora Pilar Sampedro Martínez, e o representantes da Memoria Histórica polo Barbanza, Carlos Cimadevila.
Na xornada presentarase o libro Memoria Histórica a Literatura Infantil e Xuvenil Galega, da autoría de Pilar Sampedro.
A cita desenvolverase no Auditorio de Rianxo por mor das obras de rehabilitación que se están a desenvolver na Biblioteca Municipal.
