Ciro Briones presenta na Pobra o ensaio “Da caverna a acrópole”

13 Abril 2024

O público da Pobra do Caramiñal asistiu na tarde do 12 de abril á presentación do ensaio Da caverna a acrópole. Un camiño cara a educación crítica, de Ciro Briones. Con esta obra, o autor une filosofía e ensinanza, poñendo o foco na importancia da construción do pensamento crítico para o desenvolvemento persoal e académico do alumnado.

O acto desenvolveuse no Auditorio do Museo Valle-Inclán coa participación do escritor arroupado pola concelleira da Cultura, Patricia Lojo; o integrante da A. C. Barbantia, Xesús Laíño; a representante do Departamento da Lingua Española da UVigo, Ana Fernández; e o director do Servizo Publicacións da UVigo, Jorge Luís Bueno.

Durante a súa intervención, a edil enxalzou as posibilidades da filosofía para tódolos ámbitos da vida, incluídas, por suposto, as diferentes manifestacións artísticas. “A filosofía é unha materia moi valiosa no ámbito académico, especialmente, na adolescencia; uns anos cruciais no desenvolvemento da personalidade e na aparición de moitos dos intereses que manterán cando sexan adultos, por iso teñen que facerse preguntas, dubidar e explorar para formar un criterio propio e determinar uns valores”, declarou.

Este libro tenta reivindicar a conciencia persoal e social como parte da formación educativa e indaga nos autores e autoras referentes do pensamento ao tempo que aporta interesantes propostas educativas.

Outros artigos

Domingo regresa o sol e empeza a subir a temperatura

Na xornada do domingo seguiremos con aire frío en altura xerando inestabilidade atmosférica. Unha situación que favorecerá a formación de chuvascos, localmente treboentos, máis probables e frecuentes no interior e nas horas centrais do día. As temperaturas mínimas...

+

Ribeira pon en valor o traballo das mulleres no mar

O Concello de Ribeira conmemorou o Día Internacional da Muller no Sector Marítimo rendendo unha homenaxe a tres mulleres extraordinarias que dedicaron as súas vidas a unha profesión fundamental para a nosa comunidade: o marisqueo. O concelleiro de Mar, Fernando...

+

Publicidade

Revista en papel

Opinión

“Día das Letras Galegas 2025”. Manuel Dominguez

“Día das Letras Galegas 2025”. Manuel Dominguez

Andrés do Barro, cantante, compositor de soul galego, grandes éxitos dende 1975 onde as linguas do Estado foron confinadas, censuradas, ata acadar o primeiro posto nas listas dos discos máis vendidos en España tres veces seguidas: primeiro en 1969 con O trem , logo en...