BarbanTEA organiza este domingo unha andaina con motivo do Día do Autismo (ás 10.30 na praza de Galicia de Boiro)

01 Abril 2024

A Asociación BarbanTEA organiza o vindeiro 7 de abril unha andaina solidaria, con motivo do Día Mundial da Concienciación sobre o Autismo que se celebra este martes. A camiñada, destinada a visualizar a realidade das persoas con trastornos TEA e sensibilizar á sociedade sobre o seu día a día e as súas necesidades e capacidades, dará comezo ás 10.30 horas na praza de Galicia de Boiro.

As inscricións poden facerse na web da Asociación BaranTEA, que fai un chamamento a “respectar as diferentes habilidades, a empatía e o respecto por tódolos asistentes”. Colaboran na iniciativa a Clínica Rebeca Ozores, Eclipse, a Cooperativa Arreda, Eroski, Serdeco e o Concello de Boiro, entre outras entidades.

O Día Mundial da Concienciación do Autismo celébrase cada ano o 2 de abril, conforme á resolución da Asemblea Xeral da Organización das Nacións Unidas 62/139, aprobada o 18 de decembro de 2007, proposto polos representantes do Estado de Qatar, e apoiada por todos os estados membros.

Outros artigos

Publicidade

Revista en papel

Opinión

“A vivenda” – José Manuel Pena

“A vivenda” – José Manuel Pena

É un ben de mercado para o negocio particular ou un dereito básico, fundamental e humano, como pode ser a educación, a sanidade, a prestación por desemprego ou a xubilación? A vivenda, en Galicia e no resto de España, continúa sendo un negocio e un ben de...