Os edís ribeirenses Francisco Suárez-Puerta, Fernando Abraldes e Antía Alberte presentaron a nova edición, a terceira, da Festa da Xuventude de Aguiño. Fixérono xunto a Raúl Santos Sampedro e Víctor Reiriz, que lembraron a que a cita será o vindeiro 13 de abril.
Segundo explicou o segundo tenente de alcalde, Francisco Suárez-Puerta, o Concello colabora coa Asociación de Aguiño, promotora da celebración: “A nosa intención é que tódalas parroquias que queiran levar a cabo calquera tipo de evento poidan desenvolvelo con normalidade; neste caso temos tódolos permisos de Portos de Galicia para poder celebrar este evento en Aguiño”, explicou.
O evento comezará ás 5 da tarde cunha festa infantil con inchábeis e ás 11 da noite celebrarase unha sesión cos DJs Tito Maverick e Mateo Abelleira, segundo informou Raúl Santos Sampedro, presidente da Comisión de Aguiño. “Esta celebración é moi importante xa que nos permite recadar fondos para as Festas do Carmen de Aguiño”, concluíu o concelleiro Fernando Abraldes.
