A Pobra conmemora o Día Internacional de Monumentos e Sitios cunha visita comentada polo patrimonio local

17 Abril 2024

A Pobra vai celebrar o Día Internacional de Monumentos e Sitios coa visita guiada e comentada As casas institucionais dos concellos do Caramiñal e da Pobra, a cargo do director do Museo Valle-Inclán, Antonio González. O propio González precisou este mércores 17, na presentación da visita, que con ela “ponse en valor o patrimonio histórico, o patrimonio cultural e os sitios de interese cultural e natural” e lembrou que no verán impulsáronse visitas a diversas edificacións históricas.

“Agardamos unha boa acollida por parte da xente ao igual ca nos dous anteriores anos. De feito, no 2023 participaron arredor de corenta persoas, polo que a nosa expectativa é acadar novamente esa cifra. Consideramos que é moi interesante e está aberta a tódalas idades. Cambiamos novamente o itinerario para así redescubrir outros espazos moi relevantes a nivel patrimonial”, indicou este mércores a concelleira da Cultura, Patricia Lojo.

Con relación a isto último tamén se pronuncia o alcalde e titular da Concellaría do Patrimonio, José Carlos Vidal. Segundo apunta, “trátase dunha maneira diferente de divulgar o noso patrimonio local, tendo en conta a gran riqueza da que goza A Pobra do Caramiñal nesta materia. Quero lembrar que a Casa da Cadea incorporouse ao catálogo de patrimonio público a comezos de 2024 trala adquisición por parte da Administración local. E, precisamente, este será un dos inmóbeis que coñezamos máis polo miúdo nesta visita comentada que promovemos, non só para a xente de fóra, senón que tamén para que a veciñanza teña ocasión de saber máis sobre parte da súa historia.”

Esta actividade que une cultura e patrimonio desenvolverase no 21 de abril, se ben a dita xornada se conmemora no día 18, para facilitar a asistencia por ser un domingo.

O percorrido partirá ás 11.30 horas do cruceiro de Entre Vilas para dirixirse á casa da cadea e rematar na casa do concello. Repartiranse tamén trípticos informativos.

As inscricións son de balde e deberán formalizarse na propia institución museística ou nos teléfonos de contacto 981831662 e 681173484.

Outros artigos

Publicidade

Revista en papel

Opinión

“A lei é para todos… salvo para algúns?” – José Luis Calo

“A lei é para todos… salvo para algúns?” – José Luis Calo

Hai case oito séculos, as Sete Partidas de Alfonso X pretendían establecer unhas regras comúns para ordenar a sociedade. Hoxe vivimos nunha democracia con leis e mecanismos de control, pero segue vixente unha pregunta fundamental: de que serven as normas se quen debe...

“Indefensión frente a la nesciencia”. José Fernández Lago

“Indefensión frente a la nesciencia”. José Fernández Lago

Soy un ciudadano de a pie, que no entiendo el organigrama gubernativo. Cierto que me siento con el derecho de considerar que los que ostentan algún tipo de cargos deberían tener los estudios oportunos, y no simplemente facilidad para comunicarse entre ellos y para...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.