A Escola Náutico-deportiva de Boiro leva ás escolas o deporte da vela a través do programa A Toda Vela Boiro, 20 de abril de 2024

20 Abril 2024


A Escola Náutico-deportiva de Boiro leva ás escola o deporte da vela a través do programa A Toda Vela que ten como obxectivo fomentar este deporte e crear un grupo de futuros regatistas. Na presentación, que tico lugar esta mañá no Club Náutico de Boiro – Marina Cabo de Cruz, participaron o alcalde de Boiro, José Ramón Romero; o presidente da Escola de vela, Ramón Ares, e a directora de relacións institucionais de Jealsa, Margarita Hermo.
No acto estiveron tamén o concelleiro de Deportes, Marcos Fajardo, o presidente do Náutico, Manuel Fajardo, así como outros membros da directiva, mestres da escola e alumnos e alumnas para dar a coñecer o simulador adquirido e gracias ao que medio milleiro de alumnos e mestres puideron probar a vela.
O proxecto ten como finalidade levar o simulador aos centros de ensino para que os rapaces e rapazas poidan experimentar as sensacións cas que se atoparían no mar e logo poder saír a navegar. “Esta é xa a segunda xornada na que os rapaces e rapaza saíron ao mar co obxectivo de que se incorporen alumnos e que a vela se practique durante todo o ano e chegar a ter un equipo
de vela que represente a Boiro”, afirmou o presidente da escola, Ramón Ares.
O programa A Toda Vela forma parte dun proxecto máis ambicioso con tres partes que contan cun compoñente social moi importante nas que poder involucrar a colectivos vulnerables para darlles alternativas de ocio como son as persoas con diversidade funcional e outras con dificultades a consecuencia de situacións dramáticas como é o caso da violencia de xénero.
Por parte da entidade agradeceron o apoio prestado polo Club Náutico de Boiro – Marina Cabo de Cruz, así como pola administración local e por Jealsa. “Preto de 2.000 nenos e nenas en Boiro fan deporte e é un orgullo ver a cantidade de deporte que temos e que tanto pais e nais como directivas de clubes aposten polas escolas deportivas para seguir fomentando o deporte”,
afirmou a directora de relacións institucionais de Jealsa, Margarita Hermo.
Boiro conta con dous portos deportivos e con modalidades deportivas como o remo ou o piragüismo que colleitan éxitos a nivel internacional.
“Gracias a este programa vaise fomentar o deporte da vela en Boiro, que conta cun entorno privilexiado no que poder practicala os 365 días do ano e que, a través das escolas deportivas municipais, fomenta o deporte, un estilo de vida saudable e unha disciplina e constancia que aplicarán no seu día a dia”, afirmou o alcalde.

Outros artigos

Domingo regresa o sol e empeza a subir a temperatura

Na xornada do domingo seguiremos con aire frío en altura xerando inestabilidade atmosférica. Unha situación que favorecerá a formación de chuvascos, localmente treboentos, máis probables e frecuentes no interior e nas horas centrais do día. As temperaturas mínimas...

+

Ribeira pon en valor o traballo das mulleres no mar

O Concello de Ribeira conmemorou o Día Internacional da Muller no Sector Marítimo rendendo unha homenaxe a tres mulleres extraordinarias que dedicaron as súas vidas a unha profesión fundamental para a nosa comunidade: o marisqueo. O concelleiro de Mar, Fernando...

+

Publicidade

Revista en papel

Opinión

“Día das Letras Galegas 2025”. Manuel Dominguez

“Día das Letras Galegas 2025”. Manuel Dominguez

Andrés do Barro, cantante, compositor de soul galego, grandes éxitos dende 1975 onde as linguas do Estado foron confinadas, censuradas, ata acadar o primeiro posto nas listas dos discos máis vendidos en España tres veces seguidas: primeiro en 1969 con O trem , logo en...