A Asociación Saúde Mental A Creba, entidade inclusiva e integradora que traballa na comarca do Barbanza e na contorna de Muros e Outes e presidida por José Ramón Girón García, está a realizar unha serie de charlas nos centros educativos sobre a identificación e xestión de emocións.
Este ciclo de xornadas está a realizarse nos CEIP Escarabote e no CEIP Sta María do Castro, colexios do municipio de Boiro, e teñen como finalidade “que as persoas se coñezan e poidan xestionar as situacións da súa vida”.
Laura Gutián Castromil, orientadora destes centros, fixo a proposta deste proxecto á entidade que se adica ás doenzas mentais, dous profesionais desta foron os encargados de impartir as sesións e observaron como o alumnado está formado na temática, este tipo de accións favorecen o desenvolvemento persoal dos menores, buscando o día de mañá unha madurez e un pleno manexo das súas vidas adultas.
