A Casa da Cultura da Pobra acollerá estes días unha exposición fotográfica que busca concienciar sobre a diabetes.
Baixo o título A Orixe: a diabetes, un camiño de vida, esta mostra abrirá ao público no 19 de abril, ás 20.00 horas, coas intervencións da concelleira da Cultura, Patricia Lojo, e da presidenta da Asociación de nenas, nenos e xente nova con diabetes (Anedia), María José Rego.
Trátase dun proxecto financiado pola área da Cultura da Deputación da Coruña, que emprega o camiño A Orixe como fío condutor para amosar as distintas etapas que atravesan as persoas despois do diagnóstico da diabetes; para iso, emprégase o formato de instantáneas captadas polo fotógrafo Víctor Manuel Martínez, coñecido como Pichero.
A entrada é libre ata completar a cabida da instalación municipal.
