Unha persoa necesitou atención por parte dos servizos sanitarios logo dun accidente de tráfico ocorrido preto das cinco da tarde deste martes na autovía de Barbanza. O vehículo que conducía saíuse da vía na zona de Asados e terminou envorcado sobre o asfalto.
Os bombeiros de Boiro tiveron que intervir xa que podía haber persoas atrapadas. O aviso o 112 mobilizou tamén a Policía Local de Rianxo, Protección Civil e Garda Civil de Tráfico, xunto coa ambulancia do 061.
Aínda que a muller logrou saír do vehículo polos seus propios medios, mostraba signos de desorientación, polo que foi trasladada ao centro de saúde do municipio.
