Os empresarios de Ribeira reivindican o comercio e a hostalería local coa súa Campaña do Día do Pai (e cun premio de 1.000 euros)

05 Marzo 2024

A Asociación de Empresarios de Ribeira presentou este martes 5 de marzo a nova edición da súa Campaña do Día do Pai, encamiñada a favorecer as compras locais esta tempada ao tempo que premia e visualiza a fidelidade da veciñanza cos establecementos do concello. Na presentación, na que participaron o presidente da patronal ribeira, Francisco Martínez Gude, o alcalde, Luís Pérez Barral, e o tenente de alcalde, Vicente Mariño de Bricio, fíxose saber que a campaña de 2024 vén con premios de 1.000 euros para ser investidos nos comercios participantes.

O sorteo vai destinado a tódolos clientes que merquen e consuman nos establecementos asociados adheridos á campaña. O obxectivo fundamental é “incrementar as vendas e incentivar o consumo no pequeno comercio retallista e hostalería de Ribeira”, fixo saber o presidente da patronal.

A promoción realizarase entre as compras e consumicións feitas desde o día 06 ao 19 de marzo de 2024. A forma de participar será mercando e consumindo en calquera establecemento socio e subindo o tícket á web da asociación. O sorteo realizarase o mércores 20 de marzo ás 13.00h no local da Asociación de Empresarios de Ribeira.

Normas

Os consumidores participantes deberán en todo caso conservar o tícket da compra ou consumición realizada, a fin de dispoñer dun xustificante. A forma de participar será a seguinte: o consumidor-cliente poderá rexistrarse para participar nesta campaña na pestana Sorteos na web da patronal, efectuando o correspondente rexistro da compra ou consumición realizada, que lle dará dereito a unha participación no sorteo. No rexistro deberá quedar perfectamente identificada a operación de compra/consumición realizada e o cliente ou consumidor. O sorteo realizarase de xeito telemático mediante un código programado que elixirá aleatoriamente aos agraciados de entre tódolos participantes, ata conseguir o gañador do premio e un suplente.

Os premios da campaña

Os premios son vales de compra por importe de 1.000€ menos a retención dos impostos obrigatorios. Este premio ten que ser gastado un día en concreto a determinar entre a asociación e a persoa premiada nos establecementos participantes nesta campaña, como data máxima o 14 de abril de 2024. O importe deberá ser investido nos tres sectores que participan nesta campaña: comercio, hostalería e restauración. Para repartir o premio entre varios participantes, como máximo o premiado pode gastar 100€ en cada un dos establecementos elixidos para gastar o premio.

Outros artigos

O PSOE de Ribeira acusa ao Executivo local de “falta de propostas”

O PSOE de Ribeira tamén fixo balance do ano de Goberno do PP e PBBI logo da moción de censura consumada en outubro do ano pasado. No seu balance afirmou que a alcaldesa, coincidindo co primeiro aniversario da moción de censura, "segue sen ofrecer solucións á fronte da...

+

Publicidade

Revista en papel

Opinión

“Cuando la huelga cambia de destinatario”. José Castro López

“Cuando la huelga cambia de destinatario”. José Castro López

Vaya por delante que la huelga es una conquista consagrada que tienen los trabajadorespara reivindicar y defender sus derechos. De hecho, en lo que llevamos de democraciatodas las huelgas generales se convocaron por razones laborales contra las políticas delGobierno...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.