Ribeira, xunto con outros concellos da nosa comarca, volve formar parte do Plan de Mobilidade do Centro Dramático Galego, a través do cal convídase á veciñanza do Barbanza a achegarse a Compostela para asistir ás representacións do CDG. Desta volta o público de Ribeira poderá acudir ao espectáculo Manuela Rey is in da house, o vindeiro 16 de marzo. O prezo da entrada e o autobús será de 6 € por persoa. A hora de saída será ás 18.30 h. A función será no Teatro Principal de Santiago de Compostela. As reservas cómpre facelas a través do teléfono 981835650 (de luns a venres de 9 a 14 h) e da conta normalizacion@ribeira.gal.
A obra cóntanos o misterio de Manuela Rey, “a muller lirio”, un misterio que comeza en Mondoñedo, nunha casa de aldea, en 1842, e remata no Teatro Nacional Dona María II, en Lisboa. De Mondoñedo a Lisboa. De Galicia a Portugal. 23 anos de vida. 23 anos de teatro. En palabras do CDG, Manuela Rey é a historia esquecida do teatro galego e portugués.
Dirección de escena e dramaturxia: Fran Nuñez
Elenco: Mariana Carballal, Neto Portela, Nuno J. Loureiro, Rafaela Sá, Raquel Crespo, Teresa Vieira, Xosé Lois Romero
Textos: Paula Ballesteros, Xaquín Núñez Sabarís, Ernesto Marecos, Sousa Bastos, Manuela Rey, Almeida Garret, Eduardo Augusto Vidal, Mariana Carballal, Neto Portela, Nuno J. Loureiro, Rafaela Sá, Raquel Crespo, Teresa Vieira, Xosé Lois Romero
Música: Xosé Lois Romero
