O vindeiro xoves 21 de marzo vaise celebrar unha nova sesión das XVIII Xornadas de Información Sanitaria de Outes (III Xornadas do Programa Universitario de Maiores, IV Ciclo da USC). Será novamente na Casa da Cultura de Outes, a partir das 18.30 horas. A sesión porá o foco no coñecemento da poboación dos efectos do radon na saúde. A xornada será impartida por Luis Mayo Suárez, licenciado en Medicina e Cirurxía e alumnado do TFG.
A nova edición das Xornadas Sociosanitarias de Outes celebrarase entre outubro de 2023 até maio de 2024, o último xoves de cada mes ás 18.30 horas. O programa vén composto de sete conferencias-coloquio, coordinadas polo doutor Xosé María Dios Diz.
A seguinte sesión será o xoves 29 de marzo de marzo e volverá xirar arredor do gas radon, facendo fincapé na súa presenza en Galicia e nos recursos cos que conta a cidadanía para minimizar o impacto deste gas radioactivo. A charla será impartida polo doutor Alberto Rano Raviña. Celebrarase como dixemos 29 de febreiro ás 18.30 horas na Casa da Cultura (Centro Social).
En abril, o día 17, será a quenda de Miguel Vázquez Vázquez, especialista en Xeriatría e Xerontoloxía Social e director de CALIGERS, que impartirá a charla Soidade na idade adulta. Estratexias preventivas e alternativas de vida para a vellez.
As xornadas rematarán o 30 de maio, con Saúde mental: saber pedir axuda, a cargo de Rosa Cerqueiro Landín, psicóloga do Complexo Universitario de Conxo.
