Con motivo da celebración, este venres 8 de marzo, do Día Internacional da Muller, o Concello de Porto do Son organizou unha actividade formativa destinada a subministrar recursos de utilidade para as persoas coidadoras de dependentes. En concreto, o obradoiro Coidando a quen coida tivo o obxectivo de formar ás persoas que teñen a outras persoas ao seu cargo en habilidades que lles axuden a mellorar a calidade e dos coidados que proporcionan así como o uso de axudas técnicas que lles faciliten o seu labor.
Amais, achegáronse ás e aos asistentes metodoloxías para previr o síndrome do coidador e co-dependencia nos familiares e coidadores e o burn-out nos coidadores.
O obradoiro foi impartido por Marichel Costas Manzanares, enfermeira da EOXI A Coruña. A programadora da actividade foi Begoña García Cepeda.
Celebrouse o 8 de marzo no Club de Xubilados de Porto do Son. Á sesión asistiu o concelleiro de Benestar Social, Pepe Lijó, que participou na inauguración a actividade reivindicando o valor dos traballos realizados polas mulleres ao longo do tempo; “de todas e cada unha das que tiveron que asumir como propio as labores do fogar e da familia e facer auténticos malabares para estar sempre ao 100% tamén no seu propio traballo”, sinalou.
