Este mércores 27 de marzo o Auditorio Municipal de Ribeira vai acoller a proxección do filme documental galego Nación, de Margarita Ledo. A actividade incluirá ao remate da proxección un coloquio coa directora. A cita será ás 20.00 horas e e entrada é de balde. Este é un filme que aborda a realidade daquelas mulleres traballadoras e loitadoras polos seus dereitos na fábrica de cerámica A Pontesa (a fábrica galega de louza A Pontesa pechou en 2001 e dúas décadas despois un grupo de traballadoras lembra o símbolo da súa liberdade individual, a súa emancipación económica e a súa loita sindical). Esta actividade encádrase no programa elaborado polo Concello de Ribeira para celebrar o 8M, Día Internacional da Muller.
