O acalde de Rianxo, Julián Bustelo, acompañado de outros membros do Executivo local, visitou na mañá deste mércores 27 de marzo a Casa de Rosalía en Padrón, onde foi recibido por Anxo Angueira, presidente da Fundación Rosalía de Castro.
Bustelo asinou o Libro de Honra da fundación e destacou a labor desenvolvida por esta entidade durante estes últimos anos. Ademais, anunciou o seu compromiso de renovar o convenio existente entre o Concello de Rianxo e a Fundación Rosalía de Castro polo cal tanto os escolares do municipio como as asociacións culturais poderán ter visitas guiadas de balde á Casa de Rosalía.
