A agrupación Galiza Nova celebra este 8M (Día Internacional da Muller) en Rianxo cunhas Xornadas Feministas. Desenvolveranse baixo o epígrafe Tecendo o fío lila da historia, este sábado 09 de marzo, de 17.00 a 20.00 horas no salón de actos do Auditorio de Rianxo. O programa dará comezo cun coloquio sobre violencia obstétrica coa plataforma Loita e proxección do documental La Voz de las Mujeres a cargo da asociación El Parto es Nuestro. Logo do breve descanso das 18.20, ás 18.30 proxectarase a curtametraxe Ava de Mabel Lozano, gañadora nos Premios Goya 2024 ao Mellor Curtametraxe Documental. Ás 19.00 horas celebrarase unha mesa redonda coas mulleres do mar (presente, pasado e futuro), coa colaboración da Asociación Mulleres Salgadas.
A xornada vén da man de Galiza Nova coa colaboración de El Parto es Nuestro, Mulleres Salgadas, o BNG de Rianxo, a plataforma Loita e o Concello de Rianxo.
