O Concello de Muros, a través da Concellería de Igualdade e da Muller, celebra este sábado unha das actividades principais do programa municipal para celebrar o 8 de marzo, Día Internacional da Muller. Trátase dunha visita guiada polo polo conxunto histórico da vila de Muros e polo Museo do Mar. A actividade, aprazada dende a súa data inicial da pasada fin de semana por mor do mal tempo, será finalmente este sábado, 16 de marzo, ás 11:30 horas. Desenvolverase baixo o epígrafe O papel da muller polo conxunto histórico e polo Museo do Mar. As prazas serán limitadas. As Inscricións previas deben facerse no teléfono 981 826 050.
