O Coliseo Noela acollerá este mes de marzo a estrea da obra teatral Go Home, escrita por Tito Asorey e protagonizada por David Amor e Josito Porto, dous grandes representantes da nosa comedia nos seus máis variados formatos e expresións.
Realizaranse dúas funcións o 23 de marzo as 20:30 e o 24 de marzo as 20:00.
Segundo confirmou a Área de Cultura de Noia, as entradas xa están dispoñíbeis en ATaquilla.com.
Go Home é o novo espectáculo de teatro que conta con David Amor e Josito Porto como protagonistas, en asociación José Prieto, Tito Asorey, José Faro, Laura Iturralde, Patricia Ferreira ou Xavier Porto. Trátase dunha comedia negra e, tamén, unha peza comprometida coa realidade que conta a historia de David, un fanático das viaxes que xa fixo todas as andanzas que as axencias de turismo lle podían ofertar… Todas, agás unha en concreto. Comeza así o secuestro do protagonista, a quen se lle abrirá todo un mundo de emocións ante a dúbida de se o que está a vivir é real.
