O Centro Cultural Lustres Rivas vai acoller esta semana a presentación e lectura poética do libro Paisaxes de Pan, da escritora lucense Ánxela Gracián. O acto celebrarase este xoves 21 de marzo ás 20.00, dentro da programación Marzo de Igualdade enmarcada na celebración do 8M, Día Internacional da Muller. Na cita participará a autora do libro e tamén a poeta Patricia Torrado Queiruga. Organizan Edicións Fervenza e máis o Concello de Ribeira.
Paisaxes de pan é unha autobiografía poética coa que autora regresa á súa nenez rural, “tan paradisíaca como elexíaca, recuperada aquí como lugar de resistencia”.
