O Concello de Dodro homenaxea este 8 de marzo (Día Internacional da Muller) ás mulleres de todas as parroquias do termo municipal. Con este obxectivo, o Consistorio propuxo a actividade Bailamos con elas, unha iniciativa de lecer convocada para a tarde deste venres 8M no Pavillón Municipal. Haberá obradoiros, baile e degustacións. A axenda comezará ás 17.30 horas cos devanditos obradoiros abertos á plena participación veciñal. Ás 18.30 horas procederase a ler o manifesto do 8 de marzo e a continuación (a partir das 19.00 horas aproximadamente) comezará a merenda e o baile. Animará a xornada conmemorativa o grupo Los Dinámicos.
