O Concello de Rianxo, coa colaboración do Equipo de Normalización Lingüística do IES Félix Muriel e da Deputación da Coruña, vai celebrar o vindeiro 23 de febreiro o Día de Rosalía de Castro. A cita conmemorativa será na praza de Padrón (paseo da Ribeira) ás 18.00 horas. Temos máis información na web municipal.
A celebración do Día de Rosalía en Rianxo incluirá un acto de lembranza da inmortal poeta galega; un recital poético aberto á veciñanza, entidades asociativas, alumnado dos centros escolares do concello; unha ofrenda floral e un acompañamento musical.
O Concello informou que as persoas que estean interesadas en participar no recital libre e aberto, deberán enviar un correo, para unha mellor organización, á conta cultura@concelloderianxo.gal. Deberán incluír na mensaxe o seu nome e máis o poema elixido para ser recitado.
