Este mércores 14 de febreiro o Concello de Outes lánzanos un convite para participar no Concurso de Disfraces que organiza a área municipal de Cultura ao abeiro do programa Entroido2024enOutes. Será ás 17:00 horas no Pavillón de Deportes. No certame, segundo lembrou este martes o concelleiro de Cultura e Festexos Anxo Núñez repartiranse 2.970 euros en premios.
Ao remate dará comezo o desfile polas rúas da Serra que rematará na praza do Bosque co Enterro da Sardiña, entrega de premios e posterior chocolatada. Contarase ca música da Charanga Os Jalácticos e coa comitiva fúnebre na memoria da nosa querida Sardiña encabezada polo grupo de teatro amador Terra de Outes.
