Con motivo da vindeira celebración do Día Internacional da Muller, o concello de Porto do Son vai acoller unha actividade formativa que facilita recursos de utilidade para as persoas coidadoras.
Trátase do obradoiro Coidando a quen coida, que ten o obxectivo de formar ás persoas que teñen a outras persoas ao seu cargo en habilidades que lles axuden a mellorar a calidade e dos coidados que proporcionan así como o uso de axudas técnicas que lle faciliten o seu labor.
Amais, achegaranse ás e aos asistentes metodoloxías para previr o síndrome do coidador e co-dependencia nos familiares e coidadores e o burn-out nos coidadores.
O obradoiro será impartido por Marichel Costas Manzanares, enfermeira da EOXI A Coruña.
Celebrarase o 8 de marzo de 16:30 a 20:30 horas, no Club de Xubilados de Porto do Son. Organiza a Escola Galega de Saúde – ACIS. As inscricións cómpre facelas na Área de Servizos Sociais do 13 ao 29 de febreiro e na conta de correo maria.santos.lemina@portodoson.gal.
