O Coliseo Noela de Noia acollerá este mes de febreiro a versión da obra Moito ruído e poucas noces, de William Shakespeare, artellada polo Grupo Carauta Teatro e dirixida por Xurxo Barcala. A compañía compostelá representará a histórica peza do dramaturgo inglés o vindeiro 25 de febreiro ás 20:00 horas no Coliseo Noela, da man da Concellería de Cultura de Noia.
Nesta obra relátase como, tras anos de dura competencia no mercado, as corporacións de Solorzabal International e Navia Operaciones comezan un proceso de fusión empresarial. Durante o proceso de negociación, Claudia e Hipólito, fillos dos máximos accionistas, inician unha relación que rematará en voda. Unha vez na celebración do casamento, un evento de máximo nivel, comezarán a aparecer pequenos problemas do pasado que poñerán en perigo a realización do mesmo.
O espectáculo durará aproximadamente 60 minutos.
A entrada será gratuíta ata completar o aforo.
