Este sábado 3 de febreiro, ás 20:00 horas, celébrase a estrea oficial do Grupo de Teatro Terra de Outes. Será Casa da Cultura da Serra, no marco da mostra teatral impulsada pola Área de Cultura do Concello.
O grupo está constituído por un grupo de veciñas e veciños do termo municipal que decidiron, hai agora un ano, xuntárense e dar o chimpo aos escenarios para se conformar como grupo amador de teatro. A súa andaina comeza obra Comedia Bífida, de Manuel Núñez Singala.
Inserido na Asociación Cívico Cultural “Terra de Outes”, o grupo de teatro naceu en xaneiro do 2023 e conta cun amplo elenco de actores e actrices, na súa maioría veciñas do propio concello e que tamén na maioría dos casos debutan nos escenarios teatrais.
Segundo informou o propio colectivo, hai moita ilusión entre as súas filas con respecto á estrea deste sábado, non só pola vertente artística e creativa do reto e si mesmo, senón tamén porque representa “un día de festa cultural para o municipio, xa que con este debut inaugurase unha actividade que até hoxe era unha eiva e dáse ademais un grande pulo á vida social entre a veciñanza, dinamizándoa e animando as relacións dos e das habitantes do concello e con outros”, engaden.
Con esta estrea pecharase a programación do Outono Teatral do Concello de Outes.
