O Concello de Ribeira vai pór en marcha un curso para achegar formación especializada en materia de atención sociosanitaria para persoas no seu domicilio. Terá unha duración de 618h. Trátase dun certificado de profesionalidade de nivel II polo que os requisitos do alumnado que queira participar son os seguintes: persoas traballadoras desempregadas inscritas como demandantes no Servizo Público de Emprego, cun nivel de estudios de “ESO ou equivalente”, ou competencias clave de nivel II.
O curso leva incluídas 120h de prácticas en empresas e dous módulos transversais de formación para a igualdade e de inserción laboral, sensibilización medioambiental e na igualdade de xénero.
“O propósito desta actividade formativa é o de formar a profesionais capacitados no coidado e a atención a persoas en situación de vulnerabilidade, especialmente no ámbito domiciliario. É unha formación integral que prepara a individuos para desempeñarse con eficacia e empatía na asistencia a quen require axuda no seu fogar”, explicou a concelleira de Emprego Genoveva Betanzos.
As persoas interesadas en participar como alumnado neste curso poden informarse na Oficina de Desenvolvemento Local (Concello de Ribeira – Auditorio. Praza dos Mariñeiros, no teléfono 981 835 417 ou ben no enderezo electrónico maria.paz@ribeira.gal. As inscricións deberanse realizar na Oficina de Emprego.
