Coa chegada do mes de febreiro, o Concello de Rianxo puxo en marcha un plan para a recuperación de árbores frondosas nas franxas secundarias de protección contra os lumes forestais. A través desta iniciativa, a Administración rianxeira repartirá de balde plantas de especies frondosas entre as persoas propietarias de fincas situadas nas franxas secundarias de protección (max. 10 por persoa), previa comprobación por parte do Servizo de Medio Ambiente de que a finca se atopa correctamente limpa.
As solicitudes pódense realizar no Servizo de Medio Ambiente (Museo do Mar) chamando ao 981 86 08 08.
