Un novo número de “O Barbanza” sae do prelo nunha edición impresa dobre. A publicación que chega o número 57 e 58, xa está en distribución en toda a comarca, trae unha ampla axenda das actividades sobre os actos de entroido. Nesta edición facemos un parte de obras, proxectos e eventos, adiantamos actividades culturais e de dinamización comercial de cara a este tempo de festas e facemos resumen das novedades literais.
Especial contido neste número á cultura da comarca con artigos sobre o Museo Valle-Inclán da man do seu director Antonio Gonzalez Millán, que por certo fará un roteiro o sábado 17 desde o propio Museo con charlas e visitas guiadas o propio Museo e o Pazo do Couto e cunh programa no que intervirá Xaquín del Valle-Inclán Alsina – Biógrafo. Investigador. Crítico literario . Tamén abordamos o XVII Encontro Arqueolóxico do Barbanza e recuperamos o “Prólogo dun libro inédito de Carlos García Bayón” sobre “Xunqueiras, os Gasset e outros personaxes I entrega”.
Coma sempre o turismo, a cultura, a historia e a actualidade local completan este número de “O Barbanza” que como é habitual cunha tirada de 6.000 exemplares, está xa en distribución de balde en todolos concellos da comarca e que se pode conseguir en numerosos puntos, descargalos en pdf desde o enlace: “O Barbanza” ou ben leelo nas distintas plataformas como pc, tablet e móbiles.
Invitarvos a seguirnos a diario na nosa rediseñada web “obarbanza.gal“, onde continúan a aumentar os nosos letores que no último mes superaron a media de 4.189 usuarios únicos/día e que seguen a actualidade da comarca as 24 horas, con xornadas que superan os 5.500 usuarios/día.
Coma sempre xa sabedes que podedes mandarnos as vosas opinións, informacións, colaboracións denuncias e convocatorias a redaccion@obarbanza.gal ou a través de whatsapp 608 240 160.
As nosas redes sociais acollen xa varios milleiros de seguidores e podedes darvos de alta a través de facebook e twitter.
O próximo número da nosa publicación impresa sairá a mediados de marzo cun especial dedicado á semana santa. Grazas polo apoio e darnos a coñecer.
Invitarvos o roteiro do día 17 que empezará ás 11 da mañá na Torre de Bermudez na Pobra, organizado pola nosa publicación O Barbanza co galo do día dos Medios en Galego. Un evento dirixido por Antonio González Millán co seguinte Programa:
11:00 h. Visita á Torre dos Valle Bermúdez, declarada monumento histórico-artístico de carácter nacional e ó Museo Valle-Inclán decano do país. Intervención de Antonio González Millán – Director da institución.
11:30 h. Ponencia: “Ramón del Valle-Inclán na Pobra do Caramiñal”. Intervención de Xaquín del Valle-Inclán Alsina – Biógrafo. Investigador. Crítico literario.
12:00 h. Roteiro biográfico “Ronsel de xenialidades: Valle-Inclán e García Martí, de Galicia ás letras internacionais”. VV.AA. percorrido comentado por lugares vividos ou recreados nos seus textos.
13:00 h. Visita comentada ao Pazo do Couto, no núcleo histórico do Castelo. Intervención de Antonio González Millán – Especialista en Historia e Arte de Galicia e en Museoloxia.
O roteiros é libre e non se necesita inscribirse.
