Convocados para esta fin de semana os 18.377 aspirantes a 779 prazas do Sergas

02 Febreiro 2024

Un total de 18.377 aspirantes a 779 prazas do Sergas están convocados a realizar os exames de oposición esta fin de semana no Recinto Feiral Internacional de Galicia en Silleda. As prazas e exames divídense en 10 categorías do sistema sanitario público galego.  

O sábado examinaranse 1.618 persoas para as categorías de enfermeiro especialista en enfermería obstétrico-xinecoloxía, técnico superior en imaxe para o diagnóstico, técnico de xestión de sistemas e tecnoloxías da información e terapeuta ocupacional.

Na tarde do sábado, examinaranse as 7.790 persoas admitidas na categoría do grupo auxiliar da función administrativa, para a que se ofertan en total 318 postos de traballo.  

Un total de 669 aspirantes examinaranse a mañá do domingo. As prazas dispoñibles son 10 de enxeñeiro técnico, 32 de enfermeiro especialista en enfermería pediátrica, 31 de enfermeiro especialista en enfermaría de saúde mental e 17 de odontólogo de atención primaria. A categoría de celador foi a de máis admitidos, con 8.300 persoas. En total hai dispoñibles 306 postos.  

Un aspirante examinarase desde fóra de Galicia

Por primeira vez, realizarase un exame de oposición ao Sergas desde fóra de Galicia. Unha aspirante con 39 semanas de embarazo cumpridas realizará a proba nun hospital canario.

Así mesmo, toda aquela muller que estea de parto o día en que teñen lugar os exercicios de oposición poderá efectualo nos 15 días seguintes á realización das probas.   

Outros artigos

O PSOE de Ribeira acusa ao Executivo local de “falta de propostas”

O PSOE de Ribeira tamén fixo balance do ano de Goberno do PP e PBBI logo da moción de censura consumada en outubro do ano pasado. No seu balance afirmou que a alcaldesa, coincidindo co primeiro aniversario da moción de censura, "segue sen ofrecer solucións á fronte da...

+

Publicidade

Revista en papel

Opinión

“Cuando la huelga cambia de destinatario”. José Castro López

“Cuando la huelga cambia de destinatario”. José Castro López

Vaya por delante que la huelga es una conquista consagrada que tienen los trabajadorespara reivindicar y defender sus derechos. De hecho, en lo que llevamos de democraciatodas las huelgas generales se convocaron por razones laborales contra las políticas delGobierno...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.