Arrinca o Entroido de Outes con obradoiros de carautas e accesorios (e este sábado cunha gran festa para a rapazada)

09 Febreiro 2024

O Entroido de Outes xa está en marcha, e inclúe este ano, segundo fixo saber os días pasados o tenente alcalde e concelleiro de Cultura de Outes, Anxo Núñez, actividades tan relevantes e sobranceiras (sempre que as inclemencias do tempo o permitan) como o Desfile de Entroido, o Enterro da Sardiña e unha chocolatada con música a cargo da charanga Os Jalácticos.

Dende o Consistorio repartiranse o vindeiro mércores 14 de febreiro ate 2.970€ en premios. Será a través do concurso de disfraces.

Nestas datas Outes tamén contará con programación para as familias con obradoiros de carautas e accesorios, pintacaras, globoflexia, inchábeis, minidiscos e outras actividades infantís na festa do entroido para os cativos.

-7 e 9 de febreiro – Obradoiro de carautas e accesorios do Entroido. De 17:30 a 19:00 horas na Casa da Cultura. Para nenos e nenas de entre 5 e 10 anos. Máximo 6 prazas, por orde de inscrición. Reservar praza chamando á Casa da Cultura (teléfono: 981 850 950).

-10 de febreiro – Festa de Entroido para os cativos. Ás 17:30 horas no Pavillón da Serra de Outes. Obradoiros de pintacaras, tatuaxes e globoflexia. Inchábeis grandes, minidisco, photocall e ás 19:00 horas o espectáculo Bailando de Animarte.

-14 de febreiro – Enterro da Sardiña e Concurso de Disfraces e desfile polas rúas da Serra.

No concurso repartiranse ate 2.970 € entre os mellores disfraces nas categorías de infantil, individual, grupos e comparsas.

A cualificación do xurado será no Pavillón Polideportivo da Serra ás 17:00 horas.

Ao remate celebrarase o Desfile de Entroido amenizado pola charanga os Jalácticos, con saída na praza de Galicia e remate na praza do Bosque, onde se queimará a Sardiña, farase a entrega de premios e terá lugar a chocolatada. En caso de chuvia suspenderase o desfile.

Outros artigos

Sábado seguen os chuvascos e a temperatura mantense

O sábado seguiremos con chuvascos xeneralizados localmente acompañados de saraiba, perdendo frecuencia e intensidad co paso das horas. Durante á tarde achegarase unha fronte que deixará precipitacións en todo o territorio. As temperaturas mínimas non sufrirán cambios...

+

Publicidade

Revista en papel

Opinión

“Celebrando a  Rosalía de Castro”. Antía Pereira

“Celebrando a Rosalía de Castro”. Antía Pereira

“Celebrando a Rosalía e o seu día celebramos o que nos une, o que nos representa e o que nos move. Poucas figuras concitan ó seu redor a unanimidade que convoca Rosalía. E iso en boa medida porque ela soubo tocar as cordas, unha a unha, aínda que fose de distinto...