A Pobra celebra o 2 de marzo a novena edición das Xornadas Muller e Ciencia

27 Febreiro 2024

A novena edición das Xornadas Muller e Ciencia que promove a Concellaría da Igualdade da Pobra do Caramiñal abordará os microplásticos e a actividade física nas mulleres. Esta convocatoria atópase conformada por dúas conferencias que se impartirán no 2 de marzo, en horario de tarde, no Auditorio do Museo Valle-Inclán.

Xunto coa asesora xurídica á muller, María Pérez, e a axente da igualdade, Carolina Rodríguez, durante o acto de presentación a concelleira da Igualdade, Estefanía Ramos, salientou que estas xornadas xorden “da necesidade de seguir sumando esforzos para pór en valor, visibilizar e fortalecer a figura da muller no eido da ciencia”. Animou así tódalas persoas a asistir a esta iniciativa que neste ano achega dous temas de actualidade.

Cristina López Villar, licenciada en Educación Física e doutora en Ciencias da Actividade Física e do Deporte, ofrecerá o simposio O que non che contaron sobre a actividade física das mulleres, ás 18.00 horas. A relatora forma parte do equipo de investigación Educación, Saúde e Actividade Física: Estudos de Xénero, enfocado na perspectiva feminista aplicada ás ciencias do deporte, con liñas vinculadas á historia das mulleres deportistas e á pedagoxía feminista en educación física.

O ámbito medioambiental será tratado por Gloria María Pena Uris, doutora en Química e profesora titular da Universidade de Vigo, na área da Ciencia de Materiais e Enxeñaría Metalúrxica, quen disertará sobre Microplásticos: un problema que debemos coñecer e abordar, a partir das 19.00 horas.

A entrada é libre ata completar a cabida, ademais de podelas seguir polo streaming a través da canle do Youtube do Concello da Pobra do Caramiñal.

Co obxectivo de favorecer aa asistencia das persoas interesadas, disponse dun obradoiro de conciliación para a rapazada. Habilitarase na praza de abastos, onde as crianzas estarán acompañadas por monitorado especializado. Se ben é de balde, require a inscrición previa no teléfono de contacto 981832764, marcando a extensión 6, ou no enderezo electrónico igualdade@apobra.gal.

Outros artigos

Publicidade

Revista en papel

Opinión

“Plácido Vila”. Xulio Xiz

“Plácido Vila”. Xulio Xiz

Vivo na Milagrosa, onde hai tempo entrar no recinto murado era “ir a Lugo”, e agora – integrados mesmo nominalmente – o que antes parecía distante, a paso setentón faise en vinte minutos, e trinta se temos a ousadía de levar o coche. O centro de saúde da rúa...

“Ser joven en España”. José Castro López

“Ser joven en España”. José Castro López

La mayoría de las sentencias judiciales pasan desapercibidas. Otras, sin embargo, sonmuy llamativas porque el veredicto recae sobre aspectos muy sensibles de la vida socialo familiar. Como ha ocurrido en Italia.Hace unos meses un tribunal obligó a dos hombres de 40 y...