A Asociación Rianxeira de Empresarios (ARE) formalizou un convenio exclusivo co Banco Sabadell a través do cal achegaranse unha serie de vantaxes e oportunidades aos socios da patronal rianxeira. Por exemplo un desconto do 10% na cota (que inclúe aforros de até o 50% na cota social acumulando vantaxes de Sabadell Pro) ou a dispoñibilidade da Tarxeta BS Cash In, que permite ingresos en caixeiros automáticos sen comisións e “con total comodidade”. Achéganse tamén TPVs cun 0,35% de comisións, financiamento e vantaxes financeiras adaptadas a cada negocio e plans de aforro que tentan garantir a rendibilidade e as metas marcadas polas empresas.
