María Outeiral, candidata número sete pola provincia da Coruña ás eleccións autonómicas, e o alcalde de Boiro, José Ramón Romero, mantiveron un encontro na sede boirense da asociación inclusiva Amicos para explicar o proxecto socialista de Besteiro de cara ás eleccións autonómicas do vindeiro 18 de febreiro.
O alcalde de Boiro explicou a importancia de que unha persoa do Barbanza acompañe a Besteiro na súa candidatura xa que “isto vainos a permitir ter un contacto directo co próximo goberno da Xunta de Galicia e así trasladarlle as demandas e necesidades que temos na comarca”.
María Outeiral puxo en valor a defensa dos servizos públicos que recolle o programa de Besteiro “un programa que pon ás persoas en primeiro lugar e que aposta por servizos como a educación, a sanidade e a dependencia como piares fundamentais”, afirmou María Outeiral.
María Outeiral e José Ramón Romero atenderon tamén as principais demandas das persoas usuarias de Amicos como son fomentar a formación profesional para persoas con discapacidade, maior adaptación cognitiva de centros médicos e protocolos ou aumentar o persoal de apoio nos centros de ensino.
