Milleiros de persoas asolagaron este domingo as rúas do centro de Santiago de Compostela, convocadas por máis dun cento de colectivos ecoloxista e agrupacións do sector pesqueiro para “defender o futuro do mar”, tras a crise dos pellets que afecta o litoral galego.
A menos dun mes das eleccións autonómicas, a manifestación foi ademais un clamor contra a xestión do episodio contaminante causado pola vertedura de granulado plástico, en augas portuguesas, procedente do mercante Toconao.
Á marcha, que partiu da Alameda compostelá e concluíu na Praza do Obradoiro, asistiron numerosos cargos políticos de forzas de esquerda e nacionalistas, como a vicepresidenta segunda do Goberno e líder de Sumar, Yolanda Díaz, e a exministra de Igualdade Irene Montero.
Tamén estaban presentes candidatos e candidatas que aspiran a presidir o Goberno galego a partir do 18 de febreiro, como Ana Pontón (BNG), Xosé Ramón Gómez Besteiro (PSdeG), Marta Lois (Sumar) e Isabel Faraldo (Podemos).
