O Concello de Outes en colaboración con AFIPRODEL (Asociación de Profesionais de Desenvolvemento Local de Galicia) organiza o foro final do proxecto Circular.rur – Novos modelos de negocio de economía circular para a activación do rural europeo, financiado polo programa Erasmus+. A cita será no Centro Náutico Municipal do Freixo (Outes), este 18 de xaneiro.
As persoas interesadas en participar poden inscribirse gratuitamente cumprimentando o formulario dispoñíbel na Rede. O prazo de inscrición para o Foro acaba o día 15 de xaneiro.
O proxecto europeo Circular.rur Novos modelos de negocio de economía Circular para a activación do rural europeo é un proxecto de asociación de cooperación en materia de formación profesional Erasmus+ que se desenvolveu dende o 01.11.2021 ata o 01.11.2023.
O consorcio do proxecto estivo liderado polo Concello de Outes e contou coa participación da Asociación de Profesionais de Desenvolvemento Local de Galicia, así como de socios europeos de Irlanda, Alemania, Italia, Croacia e Grecia: WIN Consultants Ltd, Meath County Council, Hamburgisches WeltWirtschaftsInstitut gemeinnützige GmbH, Comune di Capannori, Lokalna akcijska grupa Zagorje Sutla e Atlantis.
Os resultados de Circular.rur están dirixidos a profesionais da área de desenvolvemento rural e/o emprego.
O obxectivo principal consiste en “promover a transferencia de coñecementos innovadores sobre economía circular e o desenvolvemento de novos modelos de negocio baseados nesta, que respondan as expectativas dos mercados laborais nacionais e europeos, e que brinden novas oportunidades de activación fronte aos retos actuais, fomentando contornas rurais máis modernos e sustentábeis, a través do apoio intelixente da profesionais da área de desenvolvemento rural, aos futuros emprendedores do rural europeo”.
Toda a información sobre o proxecto está dispoñible na súa web, circularur.eu.
