O Concello de Ribeira recibiu este venres 19 de xaneiro ao boxeador ribeirense Juan Luis Fernández, campión de España de boxeo.
Membros do equipo de Goberno (o rexedor Luís Pérez Barral, o tenente alcalde Vicente Mariño, o concelleiro de Deportes, Xavier Vidal) felicitaron ao deportista polos éxitos acadados e animaron a que siga esforzándose para acadar novos títulos.
Juan Luis adestra no ximnasio El Barrio de Ribeira; e foi campión Canada WBC en thai boxing, campión do Mundo WBC, campión rexional de Asturias, campión galego de boxeo e campión de España de boxeo. O deportista foi agasallado cunha peza de cerámica galega e un bono para gastar no comercio local. “Teño que agradecer ao equipo de Goberno este recibimento, non só a min, senón tamén ao meu club que traballa comigo día a día; e polo seu apoio aos deportistas locais”, afirmou.
