O BNG de Rianxo solicita incorporar Rianxo á Rede de Aulas CEMIT

Mellorar a formación dixital da veciñanza con novos recursos e equipamentos formativos sería a obxectivo.

O BNG ven de rexistrar para debater no pleno unha MOCIÓN PARA SOLICITAR UNHA AULA CEMIT en Rianxo. Durante varios anos o Concello de Rianxo tense dirixido á Axencia para a Modernización Tecnolóxica de Galicia (Amtega) para que o noso Concello contase cunha aula que reforzase e ampliase a capacidade formativa en materia dixital da nosa veciñanza.

Ademáis dos recursos que se teñen posto en marcha en Rianxo en especial a actividade despregada polo servizo de informática coa súa Aula, entendemos esta actuación pode ser complementada polos recursos que a Xunta de Galiza dispón.

Neste caso e agrupados baixo o nome de Rede de Centros para a Modernización e a Inclusión Tecnolóxica (Rede CeMIT) é unha iniciativa posta en marcha pola Axencia para a Modernización Tecnolóxica de Galicia (Amtega) da Xunta da Galicia e, actualmente forma parte da Estratexia Galicia Dixital 2030.

Desde 2016, a Rede CeMIT tamén formou parte do Plan de Inclusión Dixital de Galicia coma un dos proxectos clave que asentaron as bases para definir a nova estratexia de inclusión dixital da comunidade e que tivo como obxectivo situar a Galicia como referencia en Europa, onde o uso das tecnoloxías dixitais contribuíra a aumentar a calidade de vida e o desenvolvemento sostible nas súas tres vertentes: social, económica e medio ambiental.

Actualmente a Rede CeMIT forma parte do novo Plan para o impulso da Inclusión, Capacitación e Talento Dixital en Galicia, Plan DigiTalent 2030: Camiña en Dixital, que fusiona os anteriores Plan de Inclusión Dixital 2020 e Plan DigiTalent 2020 nun único instrumento estratéxico que toma o seu relevo para enfocarse no horizonte 2030 coa misión de conseguir unha sociedade máis autónoma dixitalmente que non deixe a ninguén atrás. É o desexo que nós temos: dar competencias dixitais a toda a veciñanza sen exclusións, por iso entendemos que debemos poner todos os recursos das diferentes administracións na proxura deste obxectivo.

Neste intre a Rede conta coa colaboración de 90 concellos e está integrada por 96 aulas equipadas coa última tecnoloxía, Internet e sistemas de videoconferencia, algún deles xa dispoñíbel na aula existente mais cremos pode ser obxecto de reforzo para chegar a todos os colectivos e con formación diversa.