O tenente de alcalde e concelleiro de Deportes de Rianxo, Julio Alcalde, xunto co presidente da Castro Barbudo Peña Cicloturista, Alfonso Cespón, presentaron este venres 26 de xaneiro a XI edición da Marcha BTT Concello de Rianxo e a VI edición da Andaina Concello de Rianxo. Segundo indicaron as inscricións (para a Marcha Ciclista BTT e para a Andaina) están abertas até o 31 de xaneiro a través da web Emesports.es.
A Marcha BTT e a Andaina celebraranse de xeito simultáneo o vindeiro domingo 4 de febreiro. As dúas probas están organizadas pola Peña Cicloturista Castro Barbudo, coa colaboración do Concello de Rianxo. Será como dixemos o domingo 4 de febreiro de 2024 con saída e chegada no recheo do porto de Rianxo. A saída darase ás 09:00 h.
A hora de remate de cada proba virá marcada polo percorrido elixido.
XI Marcha BTT Ciclista Concello de Rianxo
As inscricións a XI Marcha de Rianxo finalizarán o mércores 31 xaneiro 2024 23:59h. ou ao completar a cota de prazas dispoñíbeis.
Nº máximo de inscricións: 500
Nº de inscritos confirmados: 122
Nº de inscritos pendentes de pago: 1
Ruta longa: 70 quilómetros
Ruta Media: 50 quilómetros
Ruta Curta: 30 quilómetros.
A idade mínima para poder participar na BTT e na Andaina será de 18 anos.
A VI Andaina Concello de Rianxo
A andaina inclúe un percorrido único de 22 quilómetros. Grazas ao seu trazado poderemos desfrutar dalgunha das mellores paraxes do municipio e gozar, tamén, da paisaxe da ría da Arousa e das terras do interior.
As inscricións a VII Andaina Concello de Rianxo finalizarán o mércores, 31 de xaneiro de 2024 23:59h. ou ao completar a cota de prazas dispoñíbel.
Nº máximo de inscricións: 150
Nº de inscritos confirmados: 77
Nº de inscritos pendentes de pago: 0
